2018.10.30ம் திகதிய விடிவெள்ளி ஈ பத்திரிகை நன்றி
கே.கான்
உலக அரசியல் அரங்கில் நாடுகளின் வரலாற்றில் ஒரு இனம் அதன் உரிமைகள் அபிலாஷைகள் தொடர்ந்தும் மறுக்கப்பட்டு வருகிறதென்றால் அது இலங்கையில் வாழும் வடமாகாண முஸ்லிம்களாகத்தான் இருக்க முடியும். மிக நீண்ட காலமாக பயங்கரவாத தாக்குதலுக்கு உட்பட்டு இன்றுவரை தமது தாயக மண்ணில் குடியேறி சுதந்திரமாக வாழ்வதற்கான அடிப்படை வசதிகள் அற்ற நிலையில் எதிர்காலம் பற்றிய ஏக்கத்துடன் வாழ்ந்து வரும் சமூகமாகும். இலங்கை வரலாற்றில் முஸ்லிம்களின் இரத்தக்கறை படிந்த பல அத்தியாயங்களுக்குச் சொந்தமான ஆண்டாக 1990 விளங்குகிறது. தமிழீழ விடுதலைப் புலிகளால் வேரறுக்கப்பட்ட இவ்வாண்டினை வடபுல முஸ்லிம்கள் இலகுவில் மறந்து விட முடியாது.
