கொத்தாந்தீவு ஜூம்ஆப்பள்ளிவாசலில் “முஸ்லிம்கள் மத்தியில் சமாதானத்தின் தேவையை வலியுறுத்தும்” கொத்பா பிரசங்கம்.

ஸ்ரீலங்கா புத்தளம் மாவட்டத்திலுள்ள கொத்தாந்தீவு ஜூம்ஆபப்பள்ளிவாசலில் முஸ்லிம்களுக்கு மத்தியில் சமாதனத்தின் தேவையை வலியுறுத்தும் வகையில் இன்று (2010.11.19) கொத்துபா பேருரை நிகழ்த்தப்பட்டது. மதுரங்குளி,கனமூலை சேர்ந்தவரும்,பெருக்குவட்டான் ஜூம்ஆபபள்ளிவாசலின் பேஷ்இமாமும் ,இதே பள்ளிவாசலில் நடாத்தப்படும் ஹிப்ளு மதரஸாவின் அதிபருமான அல்-ஹாஜ் மௌலவி முஜீபுர்றஹ்மான் அவர்களால் இப்பேருரை நடத்தப்பட்டது.

முஸ்லிகள் ஒன்றுபட்டுவாழ்வதன் மூலம்தான் நாம் அல்லாஹ்வின் றஹ்மத்தைப் பெற்றுக்கொள்ள முடியும்.கடந்த செப்ரம்பர் 11 ம் திகதி எமது புனிதமான அல்-குர்ஆனை எதிரிகள் எரிப்பதற்கு திட்டமிட்டார்கள்.நடந்தது என்ன? அல்லாஹ் அவர்களைத் தோல்வியடையச்செய்தான்.காரணம் முஸ்லிம்களின் ஒற்றுமை யேயாகும். ஆனால் எம்மத்தியில் மார்க்கக் கோட்பாடுகள் எனற காரணங்களை வைத்தும் பிளவுகள் ஏற்படுகின்றது.அடுத்தஊரிலிருந்து ஒருவர் இந்த ஊரில் வந்து திருமணம் முடித்துவிட்டாரென்றால்அவரை வரத்தான் என்று சொல்லி விடுகின்றோம்.அப்படியென்றால் அப்பெண்ணை இநத ஊரிலுள்ளவர் திருமணம் செய்திருக்கலாமே. ஏன்? நாம் அப்படி பிரித்துப்பார்க்க வேண்டும். இன்று நாம் காணக்கூடிய விடயம் இடம்பெயர்ந்து வந்தவர்களை வெளியேற்றவேண்டு மென்ற நிலையில் சிலர் செயற்படுவதை அவதானிக்க முடிகிறது.அவர்கள் மனம் நோகும்படியான துண்டுப்பிரசுரங்களை வெளிவருவதை காணக்கூடியதாகவுள்ளளது.ஏன் இந்த நிலை எனவும் கேளவியெழுப்பினார்.இன்று நாஸூக்காக கூறும் விடயம் ”விருந்தும்,மருந்தும் மூன்று நாள்”நபிகள் நாயகம்(ஸல்)அவர்கள் சொல்லிய ஹதீதை இதற்கு பயன்படுத்தப்பார்க்கின்றனர்.அவர்கள் சொல்லியது ஒரு வீட்டிற்கு விருந்தாளியாக சென்றுவிட்டால் தொடர்ச்சி யாகவிருந்து அக்குடும்பத்தினரின் சந்தோசங்களுக்கு இடையூறாக இருக்கக்கூடாது என்பதற்காகவேயாகும்.இது இடம் பெயர்தவர் களுக்குபொருந்தாது. மக்காவிலிருந்து ஹிஜ்றத் சென்றவர்களுக்கு அன்சாரிகள் தமது வயல் நிலங்களுட்பட அனைத்தையும் கொடுத்து உதவியுள்ளனர். அந்த அன்சாரிகளைப்பற்றி அல்லாஹ் அல் - குர்ஆனில் குறிப்பிட்டுள்ளதை நாம் மறந்துவிடக்கூடாது. இந்த முஸ்லிம்கள் அவர்களது உரிமைகள் பாதிக்கப்பட்டு வந்தவர்கள்.எனவே இவர்களை முஸ்லிம்களென்று பார்க்கவேண்டும்.இடம்பெயர்தவர்ளென்று சொல்லக் கூடாது.அதையே அல்லாஹ் குர்ஆனில் அன்சாரிகள்,முஹாஜிரீன்கள் எனுக்குறிப்பிட்டுள்ளதாகவும் கூறினார்.அன்று முஸ்லிம்களென வரவேற்ற நாம் இன்று இடம் பெயர்ந்தவர்களெனப்பார்க்கின்றோம்.அவர்களை வெளியேற்றத் துடிப்பவர்களுடன் எம்மை துணையாக ஆக்கிவிடாமல் அல்லாஹ் பாதுகாக்க வேண்டும்.முஸ்லிம்கள் எச்தீய சக்திகளினாலும் பிரிந்துவிடக்கூடாது.நாம் பிரிந்துவிட்டால்அல்லாஹ்வின் றஹ்மத் எமக்கில்லாமல்போய்விடு மென்றார்.
எல்லாப்புகளும் அல்லாஹ்விற்கு மட்டும்.

இதுஅக்குத்பாவின்சுருக்கம் மட்டுமே.